கடலாதெனிய விகாரை

• கடலாதெனியா விகாரை கம்பளைக் காலத்தைச் சேர்ந்த ஒரு கலைப்படைப்பாகும்.
• கி.பி 1341 – 1351 காலத்தில் கம்பளையை ஆட்சி செய்த 4ஆம் புவனேகபாகு மன்னன் காலத்தில் தம்மகித்தி தேரோவின் அறிவுறுத்தல்களுக்கமைய சேனாதிலங்கார அமைச்சரின் தலைமையில் சத்தர்மதிலக எனும் கடலாதெனிய விகாரை நிர்மாணிக்கப்பட்டது.
• இதன் கட்டட நிர்மாணத்தில் ஈடுபட்டவர் கணேஸ்வராச்சாரியார் எனும் தென் இந்திய கலைஞனும் அவரின் சீடர்களும் ஆவார்கள்.

கட்டடக் கலை நிர்மாணிப்புக்கள்

கடலாதெனிய விகாரை – சிலை விகாரை

• கடலாதெனிய விகாரை 1ஆம் மண்டபம், அர்த்த மண்டபம், கர்ப்பக்கிரகம் எனும் 3 பகுதிகளைக் கொண்டது.
• விகாரையில் மேல் தளம் கருங்கல்லால் ஆனது.
• அதன் கூரை தட்டையானது. கீழ்த் தளத்தில் நடனக்காரர், மேளக்காரர் வரிசையாகச் செதுக்கப்பட்டுள்ளதோடு, அவ்வுருவங்கள் உயிரோட்டமும் அசைவும் உடையனவாகவுள்ளன.
• நாலு முக எட்டு வெட்டுக் கொண்ட மூன்று தூண்களாலான தொகுதிகளை கெடிகே எனப்படும்.
• வட்டச் சிகரக் கூரை கொண்ட இப்பௌத்த விகாரை தென்னிந்திய விஜய நகர இந்து கட்டடக் கலையின் செல்வாக்கைக் காட்டி நிற்கின்றது.
• தூண்களின் அடிப்பகுதில் தலையை உயர்த்திய நிலையிலான சிங்க உருவமும் தூண் உச்சியில் மற்றுமொரு சிங்க உருவமும் தூணின் தண்டுப் பகுதிச் சட்டகங்களில் ரிஷபத்தில் ஏறிய மனிதவுருவும், மீன் மீது ஏறிய மனிதவுருவும் செதுக்கப்பட்டுள்ளன.
• பெரிய தூணுடன் சிறிய தூண்களை இணைப்பதற்காகக் கற்பட்டி ஒன்று பயன்படுத்தப்பட்டுள்ளது இதன் சிறப்பம்சம் ஆகும்.

விஜய உத்பாய

• 12 அடி உயரம் கொண்ட அடித்தளத்தில் அமர்ந்த நிலை புத்தர் சிலைகள் 4 வைக்ககப்பட்டுள்ளன.
• இவை கல்லினால் நிர்மாணிக்கப்பட்டவை.
• இதன் மீது எட்டுத் திசைகளை நோக்கியிருக்கும் வண்ணம் 8 யானைகளின் உருவங்கள் செதுக்கல் முறையில் நிர்மாணிக்கப்பட்டுள்ளன.
• கட்டடத்தின் மத்திய பகுதியில் 40 அடி உயரமான தூபி நிர்மாணிக்கப்பட்டு கூரையிடப்பட்டுள்ளது. துபியைச் சுற்றி நான்கு சிறிய சைத்தியங்கள் நிர்மாணிக்கப்பட்டுள்ளன. அவை சிலை மனையின் கூரையில் அமைக்கப்பட்டுள்ளன.

புத்தர் சிலைகள்.

• கர்ப்பக் கிருகத்தில் அமர்ந்த நிலைப் புத்தர் சிலையொன்றும் நின்ற நிலைப் புத்தர் சிலைகள் நான்கும் உள்ளன.
• இச்சிலைகள் கண்டியர் கால சிலைகளின் பண்புகளைக் கொண்டுள்ளன.
• திறந்த கண்கள், அலை மடிப்புக் கொண்ட காவியுடை ஆகியன மூலம் புத்தர் பெருமானின் ஆன்மீகப் பண்புகளைவிட, புற இயல்புகளை வெளிக்காட்டுவதில் கலைஞர் முயற்சி செய்துள்ளார்.
• வர்ணந் தீட்டப்பட்ட அமர்ந்த நிலைப் புத்தர் சிலையின் பின்புறத்தே அழகிய மகர தோரணம் உள்ளது.
• வீராசன நிலையில் அமர்ந்திருக்கும் அமர்ந்த நிலை புத்தர் சிலையில் தியான முத்திரையும் சிரசப்பட்டையும் அமைக்கப்பட்டிருத்தல் சிறப்பம்சங்களாகும்.

பயிற்சி வினாக்கள்